Fínt fyrir landsliðið...

Alls ekki misskilja mig, ég ber mikla virðingu fyrir Eiði Smára sem knattspyrnumanni en það virðist bara vera sem íslenska landsliðið spili betur án Eiðs Smára heldur enn þegar hann er inná.
Málið er einfald; Þegar Eiður Smári er inná vellinum þá er ætlast til þess að hann geri allt, það er alltaf spilað inná hann og ef hann á lélegan leik eða finnst ekki í leiknum þá spilar liðið illa en þegar Eiður er ekki þá spilar liðið sem ein heild, þá er ekki einhver ein "stjarna" inná og menn verða að treysta á samvinnu og vinnusemi.

Þannig að mér finnst það bara jákvætt að Eiður Smári hafi ákveðið að draga sig útúr hópnum fyrir leikinn gegn Dönum

Eiður Smári ekki með gegn Dönum

Heimskulegt?

Mér finnst það frekar lágkúrlegt af Birmingham að leyfa ekki Wigan að allavega ræða við Steve Bruce.

Ég meina, til hvers að hafna þegar framtíð hans hjá Birmingham liggur í lausu lofti?

Finnst þetta frekar asnalegt, jafnvel þótt Wigan spili í sömu deild

Birmingham hafnaði ósk Wigan um viðræður við Bruce

Misnotkun á valdi?

Já, greyið kallinn bara missti vinnuna út á þetta... Sumir geta einfaldlega ekki verið hlutlausir í öllu.

Jens Rohde rekinn úr starfi útvarpsstjóra

Besta lið í heimi, já...

Ég veit nú ekki alveg með það enda finnst mér mjög erfitt að dæma um hvort eitt lið sé eitthvað betra en annað.
Eru ekki nokkur sterk lið í löndum eins og Argentínu og Brasilíu? Hvað þá lið frá Spáni, Ítalíu eða Þýskalandi?

Arsenal er meðal sterkustu liða Evrópu en besta lið í heimi? Ég veit nú ekki alveg með það.

,,Arsenal besta liðið í heimi“

Þórðarvaka Nykurs

Skáldafélagið Nykur stendur fyrir ljóðakvöldi til heiðurs Þórði Helgasyni, dósent og ljóðskáldi, en hann varð sextugur þann 5. nóvember. Þórðarvaka fer fram miðvikudagskvöldið 14. nóvember kl. 20:00 á efri hæð Café Sólons í Bankastræti. 

Þórður var Nykri innan handar þegar félagið steig sín fyrstu skref árið 1995, auk þess sem hann hefur liðsinnt fjölmörgum ljóðskáldum og rithöfundum í gegnum árin. Í gegnum starf sitt hjá Kennaraháskóla Íslands hefur hann leitt stóran hóp kennaranema inn í ranghala ljóðlistarinnar og þannig stutt við ljóðið innvortis í menntakerfinu. Nykur sýnir þakklæti sitt í verki með því að smala ljóðskáldum á Þórðarvöku og bjóða upp á safaríka heiðursdagskrá.
Þau skáld og rithöfundar sem lesa upp úr verkum sínum á Þórðarvöku eru: 
Andri Snær Magnason
Arngrímur Vídalín
Davíð Stefánsson
Emil Hjörvar Petersen
Guðmundur Óskarsson
Ingunn Snædal
Kjartan Hallur Grétarsson
Sigtryggur Magnason
Sigurbjörg Þrastardóttir
og Þórður Helgason sjálfur 

Að auki verður lesið úr verkum Sigurlínar Bjarneyjar Gísladóttur, Toshikis Toma og Kára Páls Óskarssonar, en bækur þeirra þriggja, ásamt bókum frá Emil Hjörvari Petersen og Guðmundi Óskarssyni, mynda fimm bóka uppskeru Nykurs árið 2007.
Í hléi spilar hljómsveitin Malneirophrenia epíska og svala tóna fyrir gesti kvöldsins. Tilboð á veitingum, aðgangur ókeypis og allir ljóðaunnendur velkomnir!

Miss Earth...

Mér finnst þessi fyrirsögn vera dálítið villandi "Ungfrú Kanada Fallegust". Ég meina, auðvitað var hún fallegust... Í Kanada.

Svo finnst mér þessi Íslenska þýðing hálf bjánaleg, Ungfrú Jörð. Sjáið þið fyrir ykkur íslenska stelpu að vinna þetta og svo kemur hún heim og fer í viðtal og þá er spurt: "Hvernig er svo tilfinningin að vera valin Ungfrú Jörð?". Ég fæ bara nettan kjánaholl við að hugsa um það. Ungfrú jörð.

Reyndar er engin önnur þýðing sem gæti komið betur út þannig að kannski liggur rót vandans í "Miss Earth" nafninu...

Ungfrú Kanada fallegust

Nokkur ljóð úr

Ást og umhyggja
Þú ert sú sem ég hugsa mest um,
sú sem á allar rætur hjarta míns,
sú sem átt alla mína ást og umhyggju
og átt allt sem ég get gefið frá mér.

Hún grætur
Tágrönn og horuð
situr hún og grætur,
veit ekki hvert hún stefnir
né hvar hún endar.

Situr ein,
reynir að bæta sig
en getur það ekki
því hún er föst í eigin kvölum.

Því hægt og rólega
hverfur hún smátt og smátt,
hún reynir að bæta sig
áður en það er of seint.

Því dagurinn í dag
gæti verið sá seinasti
sem hún lifir. 

Nakinn
Ég vissi ekki alveg hvenær
ég gat hætt að hugsa
um þetta sem gerðist um daginn
þar sem ég stóð einn og nakinn.

Fólk hló að mér og gerði grín,
starði bara á mig
með sínum ógnandi augum.

Mér leið alveg hrikalega illa,
að standa þarna alsber
fyrir framan allt þetta fólk,
mig langaði helst að stökkva útum gluggann
og vona að ég myndi

losna úr þessari aðstöðu.

En ég gerði samt ekkert,
stóð bara kyrr og horfði á fólki
hlæja að mér eins og ég væri
eitthvað skemmtiatriði.

En ég veit ekki enn
hvernig það gerðist.

Myrkur

Myrkrið er eins og sólin,
falin fegurð sem fáir hafa séð.
Fegurð sem sést aðeins í augum þeirra

sem trúa á fegurð myrkursins.

Ég held...

Því miður að England muni bíða í lægri hlut fyrir Króötum. Það er bara alltof margir leikmenn enska liðsins frá vegna banns eða meiðsla, síðan í þokkabót hefur enska landsliðið ekki verið að spila afgerandi knattspyrnu í mörgum leikjum...

Ég bara vona að minn maður, Gareth Barry, verði áfram í byrjunarliði Englendinga

Cole getur spilað með Englandi gegn Króatíu

SiGN - The Hope

Sit hér núna og er að hlusta á nýjasta disk hljómsveitarinnar SiGN úr Hafnarfirði.
Ég er búinn að býða fullur tilhlökkurnar eftir þessum disk í mánuð eða eitthvað álika, eftir að ég vissi að hann myndi koma út í haust.

Ég hef verið SiGN aðdáendi síðan ég heyrði fyrst í þeim í MTT 2000, þá hétu þeir HALIM en HALIM var einmitt fyrsta lagið sem þeir sömdu.

Ég eiginlega veit ekki hvað það er sem ég fýla við þá eða elska. Ragnar Sólberg er náttúrulega bara snillingur í laga- og textasmíðum, geðveikur á gítar og er með eina flottustu rokkrödd sem ég hef heyrt á Íslandi í mörg ár, þessi hljómsveit er bara geðveiki!

Síðan er ég að fara á SiGN og Skid Row 1. Desember á NASA, það verður rosalegt helvíti!!

ROCK ON!

Ég er sáttur, ég er sáttur ohh yeah, ég er sáttur!!!

Þetta var svo ljúft að fá þetta sigurmark frá Agbonlahor á 87 mín.

Það er líka spurning hvort Liam Rigdewell nái miklum svefni í nótt eftir þetta klaufalega sjálfsmark gegn sínum fyrrverandi liðsfélögum.
En ég var mjög sáttur með að losna við hann frá Aston Villa þar sem ég fýlaði hann aldrei. hann var nærri alla tíð á hatelist hjá mér sem Villa leikmaður.

ÁFRAM Aston Villa, þeir fljúga alla leið...

Aston Villa vann borgarslaginn